ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Фән һәм мәгариф

Шәхси балалар бакчаларына дәүләт тарафыннан акча бирелергә мөмкин

5 октябрь 2017, 10:05

Бу яңалык, муниципаль оешмаларда урын җитмичә, үзләрендә балаларга бюджет урыннары тәкъдим иткән шәхси бакчаларга караячак.

(Казан, 5 октябрь, "Татар-информ"). Шәхси балалар бакчалары һәм яслеләр дәүләт ярдәме алырга мөмкин. Бу яңалык, муниципаль оешмаларда урын җитмичә, үзләрендә балаларга бюджет урыннары тәкъдим иткән бакчаларга карый.

"Бердәм Россия" партиясе балалар бакчасында урын җитмәү мәсьәләсен хәл итү өчен, иҗтимагый оешмалардан тәкъдимнәр җыеп, аларны Икътисади үсеш министрлыгына юллый. Бу хакта "Российская газета"га Федерация Советының Социаль сәясәт буенча комитет рәисе Валерий Рязанский бәян иткән.

Шәхси балалар бакчаларына һәм яслеләргә акча биналарын арендага биргәне һәм педагогларга хезмәт хакын түләү өчен биреләчәк. Шулай ук бюджет тарифы буенча урын биреп тору да финанслауга кертелә.

Илдә яслеләр буенча бик катлаулы хәл килеп туды. Күп кенә төбәкләр, өч яшьтән җиде яшькә кадәр балаларга күбрәк бакчалар төзергә омтылып, иң нәниләр турында онытты. Яслеләрне сабыйларны кыска вакыт аралыгына калдырып тору яки уен үзәкләренә алыштырды.

Белгечләр күптәннән мәктәпкәчә белем бирү оешмаларының шәхси секторын үстерүгә игътибар итәргә куша. Хәзер Россиядә 40 мең дәүләт балалар бакчасы белән бергә нибары 800дән бераз күбрәк шәхси мәктәпкәчә оешма эшли.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10