ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Җәмгыять

Путин Конфедерация кубогын оештыручыларга яхшы эшләре өчен рәхмәт белдерде.

3 октябрь 2017, 19:39

Дәүләт башлыгы белдерүенчә, киләсе чемпионатта җанатарлар Россия җыелмасыннан яхшы нәтиҗә көтә.

(Казан, 3 октябрь, «Татар-информ»). Россия Президенты Владимир Путин 2017 елның җәендә илнең берничә шәһәрендә, шул исәптән Казанда үткән футбол буенча Конфедерация кубогын оештыручыларның барысына да рәхмәт белдерде. Дәүләт башлыгы рәхмәт сүзләрен физкультура һәм спорт буенча Россия Президенты каршындагы Совет утырышында әйтте. Татарстаннан әлеге чарада республика Премьер-министры Алексей Песошин катнашты, дип хәбәр итә республика башлыгының мабугат хезмәте.

«Конфедерация кубогы 2018 елдагы футбол буенча дөнья чемпионатына әзерлек булды. Халыкара федерацияләр, Россия һәм чит ил журналистлары, җанатарлар һәм спортчылар үзләре чараны оештыруга уңай бәя бирде. Тагын бер кат турнирны әзерләүчеләргә, объектларда эшләүчеләргә рәхмәт», – дип Путинның сүзләрен китерә «Р-Спорт».

Дәүләт башлыгы белдерүенчә, киләсе чемпионатта җанатарлар Россия җыелмасыннан яхшы нәтиҗә көтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10