ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Болгар ислам академиясе абитуриентлар җыя
Хрущев белән Брежневка хезмәт күрсәткән шагыйрь Әхмәт Саттарны Мәскәүдә искә алдылар
Р.Миңнеханов: Нефтьчеләр ярдәме белән Татарстан икътисады уңай үсеш темпын саклый
Хаҗга җыенучы мөселманнарны Согуд Гарәбстанындагы инфекцияләр хакында кисәтәләр
Татарстан Мөфтие дуңгыз итендәге "хәләл" этикеткасына бәйле низаг турында фикерен әйтте

Икътисад

Татар транспорт прокуратурасы «ВИМ-Авиа»гә карата җинаять эше кузгатырга мөмкин

29 сентябрь 2017, 18:04

Бүген Казанда «ВИМ-Авиа»гә багышланган киңәшмә үтте.

(Казан, 29 сентябрь, «Татар-информ», Марат Хәмитов). Бүген Татар транспорт прокуратурасында ябык режимда «ВИМ-Авиа» авиакомпаниясендәге хокук бозу мәсьәләләренә багышланган киңәшмә үтте.

Утырыш йомгаклары буенча транспорт прокуроры Максим Ковалюк белдергәнчә, киңәшмәдә Татарстанның куркынычсызлык советы сәркатибе Айрат Шәфигуллин, кызыксынган министрлыклар һәм идарәләр, контроль органнары, шулай ук «Зенит» банкының филиал директоры катнашкан.

«Безнең тарафтан хезмәт кануны буенча административ хокук бозу турында эш кузгатылды. Шулай ук авиакомпания җитәкчелегенә карата федераль канун бозуны читләштерү буенча карар кертелде. Алга таба да  хезмәт хакын түләү тоткарланса, безнең алда ике айдан артык хезмәт хакы түләмәү турындагы маддә буенча җинаять эше кузгату мәсьәләсе торачак», — дип хәбәр итте Ковалюк. Ул эшчеләргә хезмәт хакы түләү Идел буе транспорт прокуратурасында аерым контрольдә торганлыгын әйтте.

Элегрәк «ВИМ-Авиа» канунны бер генә тапкыр бозмаган.

«Быел Транспорт прокуратурасы компанияне, лицензия кагыйдәләрен бозган өчен, берничә тапкыр административ җаваплылыкка тартты. Алар унга якын. Барлык авиарейс тоткарланган очрак буенча без атна саен мәгълүмат алабыз. Шуның нигезендә эш кузгатабыз», — дип белдерде прокурор.

Узган елның декабрендә «ВИМ-Авиа»ның 132 миллион сумга якын бурычы булган. Идел буе прокуратурасы чаралар күргәннән соң, алар бурычны бер атна эчендә каплаган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10