ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Әгерҗе районы Салагыш китапханәсенең йөз еллык юбилеен бәйрәм иттеләр

26 сентябрь 2017, 02:00

Зур уңышларга ирешкән алдынгы хезмәткәрләргә Мактау грамоталары һәм бүләкләр тапшырылды.

(Әгерҗе, 26 сентябрь,"Татар-информ", "Әгерҗе хәбәрләре"). Бай тарихлы Салагыш китапханәсенең йөз еллык олуг юбилеен район китапханәчеләре белән берлектә зурлап бәйрәм иттеләр, дип яза район газетасы.

 Бәйрәм кунакларын Салагыш авыл җирлеге башкарма комитеты җитәкчесе урынбасары Илгизә Фәрдетдинова сәламләде. Салагыш авылы китаханәчесе Раилә Тимофеева бу чараны бик күңелле итеп алып барды. Аңа кадәр әлеге вазифаны башкарган Гөлсинә Әхмәтзакировага китапханәчеләр тирән рәхмәтләрен җиткерделәр, ә Гөлсинә ханым, үз чиратында, яшь хезмәттәшләренә уңышлар теләде.

Бәйрәмдә Салагышның иң күп китап укучысы Азалия Латыйпова да катнашты һәм район шагыйрәләренең шигырьләрен сөйләде.

Үзәкләштерелгән китапханәләр системасы директоры Гөлнара Тимербаева бик тә актив, тынгысыз җанлы Раилә Тимофеевага һәм хезмәт нәтиҗәләре буенча зур уңышларга ирешкән алдынгы хезмәткәрләргә Мактау грамоталары һәм бүләкләр тапшырды.

Юбилей чарасы җыр-биюләр, күңелле уеннар белән аралаштырылып барылды.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10