ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Казан Башкарма комитетының элеккеге хезмәткәре А.Рыбушкин ирегеннән мәхрүм ителгән
Дәүләт Думасында футбол буенча Россия җыелмасын бүләкләргә җыеналар
Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә
Суд татарстанлылар өчен электр энергиясенә тарифлар артуга юл куймады
Казанда Якутск кешесенең йөз миллион сумлык бриллиант салынган савытын урлаганнар

Спорт

«Татарстан Кроссы – 2017» ярышында 3500дән артык тукайлы катнашты

19 сентябрь 2017, 02:00

Бу ялларда ТРда «Татарстан Кроссы – 2017» массакүләм ярышлары узды.

(Тукай районы, 19 сентябрь, "Татар-информ", "Якты юл"). «Татарстан Кроссы – 2017» ярышында 3500дән артык тукайлы катнашты, дип яза җирле басма.

Бу ялларда ТРда «Татарстан Кроссы – 2017» массакүләм ярышлары узды. Тукай районында төп ярыш Яңа поселогында үткәрелде. Кросста Әҗмәкәй авыл җирлегенең барлык учреждениеләре, шулай ук район Советы һәм Башкарма комитеты, район суды хезмәткәрләре, спорт сөюче райондашлар актив катнашты.

Кроссның ачылу тантанасында район башлыгы урынбасары Рөстәм Закиров, район Советы аппараты җитәкчесе Әсхәдә Наврозова, яшьләр эшләре, спорт һәм туризм бүлеге башлыгы Илнур Гәрәев катнашты. Җиңүчеләр һәм призерлар үз яшь үзенчәлекләре буенча грамота һәм кубоклар белән бүләкләнде.

Татарстан кроссының иң өлкән йөгерүчесе Мансур Гайнетдинов, шулай ук иң кечкенә спортчылары Ләйлә Нуретдинова, Асия Василова, Самир Шәйдуллин һәм Илгиз Фәсхәевкә махсус дипломнар тапшырылды.

Тукай районында ярышларда барлыгы 3500дән артык кеше катнашты, дип хәбәр итә район яшьләр эшләре, спорт һәм туризм бүлеге.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10