ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Казан Башкарма комитетының элеккеге хезмәткәре А.Рыбушкин ирегеннән мәхрүм ителгән
Дәүләт Думасында футбол буенча Россия җыелмасын бүләкләргә җыеналар
Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә
Суд татарстанлылар өчен электр энергиясенә тарифлар артуга юл куймады
Казанда Якутск кешесенең йөз миллион сумлык бриллиант салынган савытын урлаганнар

Икътисад

2018 елда бюджет өлкәсендәге минималь хезмәт хакы күләмен арттыру 26 миллиард сумга төшә

18 сентябрь 2017, 13:19

Бюджет чыгымнарының өчтән бере иминиятләштерү түләүләре һәм физик затлардан алынган салым рәвешендә кире кайтарылачак.

(Казан, 18 сентябрь, «Татар-информ»). 2018 елда бюджет өлкәсендәге хезмәт хакының минималь күләмен арттыру өчен гомуми чыгым 26,2 миллиард сумны тәшкил итәчәк. Бу хакта дүшәмбе хезмәт һәм социаль яклау министры урынбасары Любовь Ельцова Социаль-хезмәт мөнәсәбәтләрен җайга салу буенча Росиянең өч яклы комиссиясе утырышында хәбәр итте, дип яза ТАСС.

Хезмәт министрлыгының канун проекты 2018 елның 1 гыйнварына хезмәт хакының минималь күләмен 9,485 мең сумга (2017 елның II кварталы өчен яшәү минимумының 85 проценты) җиткерергә уйлый. Ә 2019 елның гыйнварыннан хезмәт хакының минималь күләмен яшәү минимумы белән тигезләштерү ниятләнә.

"Киләсе елда бюджет өлкәсендәге хезмәт хакының минималь күләмен арттыру өчен гомуми чыгым 26,2 миллиард сумны, шул исәптән федераль бюджеттан – 7,2 миллиард сум, 2019 елда - 43,9 миллиард сум, шул исәптән федераль бюджеттан 12 миллиард сум тәшкил итәчәк", - дип белдергән Ельцова.

"Икътисад өлкәсеннән өстәмә ихтыяҗ 2018 елда - 17,1 миллиардка, 2019 елда 28,8 миллиард сумга төшәчәк", - дип өстәгән ул.

Министр урынбасары белдерүенчә, бюджет чыгымнарының өчтән бере иминиятләштерү түләүләре һәм физик затлардан алынган салым рәвешендә кире кайтарылачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10