ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Айгиз Баймөхәммәтовның яңа китабы геройлары арасында Татарстан язучылары да бар
Зәй сусаклагычында агым алып киткән үсмерләрне коткарганнар
Азнакай яучылары ялгызлар өчен үзәк булдырырга җыена
Салават Фәтхетдинов үзе белән сөйләшүче журналистларның үзеннән акыллы булуын тели
Татарстанда кеше үтерү буенча җинаятьләр бөтенесе диярлек ачылган

Рәсми Татарстан, Авыл

Марат Әхмәтов: Республика буенча урып-җыю темплары әкренәйде

16 сентябрь 2017, 14:56

Татарстан буенча якынча 4,5 миллион тонна ашлык суктырылган.

(Казан, 16 сентябрь, "Татар-информ", Арсений Маврин). Татарстан буенча бөртекле культуралар уңышын тагын якынча 170 мең гектар мәйданда җыясы калды, әмма урып-җыю темплары әкренәйде. Бу хакта республиканың Хөкүмәт йортында узган брифингта Премьер-министр урынбасары, авыл хуҗалыгы һәм азык-төлек министры Марат Әхмәтов хәбәр итте.

"Явым-төшемнәр сәбәпле атна дәвамында якынча 110 мең гектардан 300 мең тонна ашлык суктыра алдык. Бу -  кимрәк күрсәткеч", – дип билгеләп үтте Марат Әхмәтов.

Шикәр чөгендере зур уңыш күрсәтә. Әлегә уңыш 15 мең гектардан гына алынган – гомуми мәйданның 21 проценты.

Бәрәңге бераз күңелне төшерде – уңыш республика көткәннән түбәнрәк булган. Әмма "икенче икмәк" кытлыгы булмаячак, дип тынычландырды министр. Уңыш гектарыннан уртача 215 центнерны тәшкил итә.

Бу ял көннәрендә бөтен республика буенча традицион авыл хуҗалыгы ярминкәләре старт алды. Төп сәүдә мәйданчыклары Казанда, Яр Чаллыда, Яшел Үзән районында билгеләнгән. Бирегә Татарстанның 33 районыннан авыл хуҗалыгы продукциясен җитештерүчеләр килә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10