ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
Казан 2018 елгы чемпионатта җанатарларның күңелен яулаган шәһәрләр өчлегенә кергән
Минтимер Шәймиев Баш казыйның гаиләләрне ишәйтү кирәклеге турындагы сүзен хуплады
Әгерҗедә шәһәр Башкарма комитетына яңа җитәкче билгеләнде
Аксубайда, яшен сугып, өч катлы торак йортның түбәсенә ут капкан
Казанда яшәүче 100 яшьлек Закирә Габитова юбилеен билгеләп үтте

Татар дөньясы

Интернетта Нурбәк Батулланың “Сизәсезме вәзгыятьне? Киеренкелек!” дигән чыгышы популярлаша

15 сентябрь 2017, 16:33

Фейсбук социаль челтәрендә бер тәүлектән дә азрак вакыт эчендә аны 60 тапкыр перепост ясаганнар.

(Казан, 15 сентябрь, «Татар-информ», Рузилә Мөхәммәтова). Facebook социаль челтәрендә Нурбәк Батулланың “Сизәсезме вазгыятьне? Киеренкелек!..” чыгышының видеосын бер тәүлектән дә азрак вакыт эчендә 2500дән артыграк кеше караган һәм алтмышлап кеше үз лентасына күчергән.

“Татар-информ” мәгълүмат агентлыгында биюче Нурбәк Батуллин катнашында “Әлиф” хореографик спектакленә багышланган матбугат конференциясе узган иде. Биредә Нурбәк Батулла Татар теле тирәсендәге проблемалар буенча үз фикерен белдерде, аларны чишәр өчен киеренкелектән котылырга кирәклеген әйтте. “Без хәзер тел мәсьәләсендә артык куерта башладык. Ана телебез тирәсендәге проблеманы чишәр өчен, безгә, киресенчә, иркенәергә кирәк... Интернет челтәрләренә килеп керсәң дә, анда да киеренкелек. Ә бит безгә елмаерга, иркенәергә кирәк! Тирән бер сулыш алыйк! Биик, эзләник, ялгышыйк! Бу иркенлек, әлбәттә, ниндидер корбан таләп итә. Без дүрт хәрәкәтне ташларга, биш җырны онытудан курыкмыйбыз. Яңа юллар эзлибез. Ялгышырга да мөмкинбез, ләкин без бәреп чыгарга тырышабыз”, - диде ул. 

“Татар-информ” Нурбәк Батулланың әлеге сүзләре язылган видеокадрларны социаль челтәрдәге битенә урнаштырды һәм ул бер тәүлектән дә кимрәк вакыт эчендә зур кызыксыну тудырды. Видеороликны Фейсбук социаль челтәрдәге битләренә урнаштыручылар арасында Татарстанның атказанган артисты, җырчы Эльмира Кәлимуллина, яшь композитор Эльмир Низамов, кинорежиссер Илдар Ягъфәров, видеоблогер Ислам Вәлиев, Татар Википедиясе авторы Фәрхад Фәтхуллин, Бөтендөнья татар яшьләре форумы рәисе Тәбрис Яруллин, танылган журналист Рәйсә Сафиуллина, Татарстаннан читтә яшәүче татарлардан - Төркиядән Гөлтән Ураллы, Америкадан Илмир Әхмәтҗанов, Бурятиядән Саҗидә Баталовалар бар.

Нурбәк Батуллин – хореограф, биюче, танылган җәмәгать эшлеклесе, язучы Рабит Батулланың улы. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10