ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Татарстан Президенты ВТБ банкы рәисе урынбасары белән очрашты
Казанда Вәлиулла Якупов музее ачылды
“Сәләт”кә килгән балалар яшәү шартларының күпкә яхшыруына шатлана
Казанга Бөтендөнья татар конгрессының VII чираттан тыш съезды делегатлары килә
КФУда милли белем бирү системасына педагогик кадрлар əзерлəү буенча биш юнəлеш ачылды

Мәдәният

Малый театр Казанга өч комедия алып килде

14 сентябрь 2017, 14:17

Бүген Казанда Малый театрның гастрольләре ачыла.

(Казан, 14 сентябрь, "Татар-информ", Рузилә Мөхәммәтова). Казанда бүген Малый театр гастрольләре башлана. Камал театры труппасы Уфага зур гастрольләргә киткән вакытта Камал театры сәхнәсендә алты көн дәвамында  Мәскәү артистлары уйнаячак.

Камал театрында гастрольләр алдыннан оештырылган матбугат конференциясендә Мәскәү театрын Россиянең һәм Татарстанның халык артисты Равил Шәрәфиев сәламләде. "Минем бөтен гомерем Малый театр белән бәйле. Без Щепкин училищесында укыганда аларның спектакльләрен кат-кат карый идек, - дип башлады сүзен легендар татар актеры Равил Шәрәфиев. - Безнең Камал театры хәзер Малый театр белән дус яши. Ике елга бер тапкыр Казанга алар килә, ике елга бер тапкыр без Мәскәүгә барабыз".

Матбугат конференциясендә Россиянең халык артистлары Светлана Аманова, Александр Ермаков, Дәүләт академия Малый театр генераль директоры урынбасары Петр Лукошков катнашты.

Александр Ермаков Юрий Соломинның сәламнәрен җиткерде, Гогольнең "Женитьба" пьесасы буенча яңа спектакль чыгару сәбәпле, Казанга килә алмавын әйтте. Ул Казан тамашачысына үзләренең премьера спектакльләрен алып килүен ассызыклады.

"Без сезнең шәһәргә килергә бик яратабыз. Биредә бик рәхәт аура, җанга рәхәт мохит. Сезнең шәһәрегезне бик яратып төзекләндерүгез, матурлавыгыз күренә", - дип мактау сүзләрен кызганмады Светлана Аманова.

Малый театр Казанга өч комедия алып килгән. Бүген гастрольләр А.Дюманың "Молодость Людовика XIV" комедиясе белән ачыла. Спектакль ике көн бара. 16-19 сентябрь көннәрендә Малый театр тамашачыга А.Островскийның ике комедиясен тәкъдим итә. Болар - "Не все коту масленица" һәм "Сердце не камень" спектакльләре.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10