ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Татарстан Президенты ВТБ банкы рәисе урынбасары белән очрашты
Казанда Вәлиулла Якупов музее ачылды
“Сәләт”кә килгән балалар яшәү шартларының күпкә яхшыруына шатлана
Казанга Бөтендөнья татар конгрессының VII чираттан тыш съезды делегатлары килә
КФУда милли белем бирү системасына педагогик кадрлар əзерлəү буенча биш юнəлеш ачылды

Авыл

Татарстан авыл хуҗалыгы хезмәтчәннәре бер миллион тонналап ашлыкны читкә чыгара алачак

12 сентябрь 2017, 16:28

Хәзергә республикада якынча 300 мең гектар мәйданда бөртекле культуралар җыеп аласы калган.

(Казан, 12 сентябрь, "Татар-информ", Лилия Локманова). Республикада якынча 300 мең гектар мәйданда бөртекле культуралар җыеп аласы калган. Һава шартларының уңай булмавы нәтиҗәсендә, Татарстанда сентябрь аенда игенчеләр 10 мең тонна гына ашлык суктыра алган.

Бу хакта бүген ТР Дәүләт Советының экология, табигатьтән файдалану, агросәнәгать һәм азык-төлек сәясәте комитеты утырышында ТР Премьер-министры урынбасары - республика авыл хуҗалыгы һәм азык-төлек министры Марат Əхмәтов белдерде.

"Əле 79 мең гектар мәйданда орлыкка дигән кукурузны җыясы бар. Шулай ук көнбагыш, шикәр чөгендерен алу өчен дә яхшы һава торышы кирәк", - диде тармак министры.
Марат Əхмәтов билгеләп үткәнчә, республика ихтыяҗларын канәгатьләндерү өчен, якынча 3,5 млн тонна бөртек таләп ителә. Быел, уңыш алдагы 7 ел белән чагыштырганда, мулрак булганлыктан, Татарстан якынча 1 млн тонна ашлык сата алачак.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10