ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Авыл

Тирән сөрелгән басуларда уңыш югарырак – комбайнчы Рөстәм Газизҗанов

11 сентябрь 2017, 17:31

Мул уңыш алу өчен вакытында ашлама кертергә,басуларны чүп үләненнән арындырырга да кирәк, ди ул.

(Казан, 11 сентябрь, "Татар-информ", Лилия Локманова). Игеннәрдән мул уңыш алу өчен җирне сукалау системасын кире кайтатырга кирәк. Саба районының алдынгы комбайнчыларының берсе Рөстәм Газизҗанов шундый фикердә.

Мул уңыш алу өчен вакытында ашлама кертергә, басуларны чүп үләненнән арындырырга да кирәк, ди ул.

"Тирән сөрелгән басуларда уңыш, билгеле инде, югарырак була. Хәзер басулар катып бетте. Дым тормый диярлек. Быел сукалаган берничә басуны да суктык. Анда иген күзгә күренеп аерылып тора. Сукалмаган басуларда уңыш гектарыннан 15-20 центнерга азрак була", – диде комбайнчы "Татар-информ" мәгълүмат агентлыгы хәбәрчесенә.

Аның сүзләренчә, районда игеннәр, узган ел белән чагыштырганда, уңышны күбрәк бирә. Аеруча арпа, солы, бодай кебек культураларның уңышын югары бәяләде комбайнчы.

Саба комбайнчылары хакында тулырак язманы "Интертат" электрон газетасыннан укырга мөмкин булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10