ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Мәдәният

Иртәгә тамашачыга “Байгал” фильмының беренче эпизодлары тәкъдим ителә

9 сентябрь 2017, 10:48

Презентациядә Владимир Вдовиченковның катнашуы көтелә.

(Казан, 9 сентябрь, «Татар-информ», Рузилә Мөхәммәтова). Иртәгә Казан халыкара мөселман киносы фестивале кысаларында “Байгал” тулы метражлы нәфис фильмы проекты тәкъдим ителәчәк. Әлеге презентация кинофестиваль программасына кертелгән.

Фильмның режиссеры – Илдар Ягъфәров, сценарий авторы – Мансур Гыйләҗев. Фильмда танылган кино һәм театр актеры, Россиянең атказанган артисты Владимир Вдовиченков катнаша. Ул төп рольләрнең берсе булган тикшерүче ролен башкара.

Проект презентациясе вакытында фильмның төшерү төркеме белән очрашу булачак. Презентациядә Владимир Вдовиченковның катнашуы көтелә. Ул – Казан халыкара мөселман киносының хөрмәтле кунагы булачак.

Фильмда картинаның продюсеры, кинофестивальнең башкарма директоры Миләүшә Айтуганова да уйный. Ул төп геройның хатыны ролен башкара.

Авторлар презентациядә тамашачы өчен фильмның 26 минутлык монтажын да тәкъдим итәчәкләр. Бу – эпизодларның беренче мәртәбә күрсәтелүе, дип хәбәр итә социаль челтәрдәге битендә Илдар Ягъфәров.

Искәртеп узабыз. “Байгал” детектив мелодрамасы өчен Татарстан Республикасы Мәдәният министрлыгы 2 млн. сум субсидия бүлеп биргән иде. Фильмның премьерасы 2017 елның көзендә булыр дип көтелә.
Презентация Казан халыкара мөселман киносы фестиваленең төп мәйданчыгы булган “Родина” кинотеатрында булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10