ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Мәдәният

Иртәгә Казан кинофестивале төп конкурсына кертелгән бердәнбер татар нәфис фильмы күрсәтелә

8 сентябрь 2017, 21:18

“Родина” кинотеатрында татар кинорежиссеры Илшат Рәхимбай үзенең “Күзалла” (“Представь”) кыска метражлы фильмын тәкъдим итә.

(Казан, 8 сентябрь, «Татар-информ», Рузилә Мөхәммәтова). Иртәгә Казан Халыкара мөселман киносы фестивале кысаларында “Родина” кинотеатрында татар кинорежиссеры Илшат Рәхимбайның “Күзалла” (“Представь”) кыска метражлы фильмы күрсәтеләчәк.

“Күзалла” - фестивальнең төп конкурс программасына кергән бердәнбер нәфис фильм. Ул түләүсез күрсәтелә. Фильм күрсәтелгәннән соң аны төшерүчеләр төркеме белән кыска гына очрашу һәм матбугат үзәгендә конференция үткәрелә.

Режиссер фильмны карарга дин эшлеклеләрен дә чакырган.

“Күзалла” фильмында мин әйтәсем килгәнне вуальләштереп кенә, метафора белән генә әйткән идем, ә фестиваль кысаларында күрсәтелгән “Мой проповедник” мисыр фильмында ул фикерләр ачыктан-ачык яңгырады, - ди Илшат Рәхимбай “Татар-информ” хәбәрчесенә. – Бигрәк тә ике дин янәшә яшәгән җирләр өчен бу - актуаль тема”.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10