ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Татарстан депутатлары Яшьләр эшләре һәм спорт министрлыгын үзгәртү тәкъдимен хуплады
Дәүләт Советында, каникулга кадәр, язгы сессиянең соңгы утырышы башланды
Дмитрий Медведев пенсия реформасы буенча киңәшмә үткәргән
Татарстан медицина профилактикасы үзәге яшь әниләрне бүләкләде
Ык буе авыллары Сабан туе авторы быелгы бәйрәмдә кунак буларак кына катнаша

Фән һәм мәгариф

Татарстанда иң яхшы капремонтлы һәм уку елына әзерлекле белем оешмасы сайланган

6 сентябрь 2017, 08:22

Бәйге финалына 117 белем бирү оешмасы чыккан булган.

(Казань, 6 сентябрь, «Татар-информ»). Татарстанда иң яхшы капиталь төзекләндерү ясалган һәм яңа уку елына иң яхшы әзерлекле белем бирү оешмаларын сайлау республика бәйгесенә нәтиҗәләр ясалган. Бу хакта Татарстан Мәгариф һәм фән министрлыгы хәбәр итә.

Исегезгә төшерәбез, 28-31 август көннәрендә белем бирү, өстәмә белем бирү, һөнәри белем бирү оешмалары арасындагы бәйгенең финалы узды.

Финалда смотр бәйгенең зона турларында беренче урын алган белем бирү учреждениеләре катнашкан. Экспертлар төркеме 200дән артык белем бирү оешмасында булган, шуларның 117 зона турлары җиңүчесе дип табылган.

Бәйге инфраструктураны камилләштерү, капремонтны сыйфатлы дәрәҗәдә үткәрү, белем бирү оешмаларының уңышлы тәҗрибәсен хуплау һәм тарату, педагогик коллективларны яңа уку елына әзерләнүен стимуллау максатыннан оештырылган.

Бәйге нәтиҗәләре буенча “Иң яхшы шәһәр белем бирү оешмасы” номинациясендә - Казанның 179нчы мәктәбе, “Иң яхшы авыл белем бирү оешмасы” номинациясендә – Яңа Чишмә районының Черемуховская мәктәбе, “Иң яхшы һөнәри белем бирү оешмасы” номинациясендә Буа ветеринар техникумы җиңүче булып табылган.

Иң яхшы өстәмә белем бирү оешмасы булып Минзәлә районының Балалар иҗаты йорты табылган. “Балалар бакчаларының иң яхшы капиталь ремонты” номинациясендә беренче урынны Чаллының 25нче санлы балалар бакчасы яулаган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10