ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Декабрь уртасында грипп һәм ОРВИ белән авыручылар саны артуы көтелә - Марина Трофимова

5 сентябрь 2017, 11:18

Татарстан учреждениеләре үзебездә җитештерелгән 766 мең доза «Совигрипп» һәм «Ультрикс» вакциналары белән тәэмин ителгән.

(Казан, 5 сентябрь, «Татар-информ», Надежда Гордеева). Татарстанда 146 мең кешегә, шул исәптән 29, 5 мең балага гриппка каршы  прививка ясалган. Бу хакта бүген ТР Министрлар Кабинетында брифингта Роспотребнадзорның ТР буенча Идарәсе җитәкчесе вазифасын башкаручы Марина Трофимова хәбәр итте.

14 августтан республикада гриппка каршы прививка кампаниясе башланды, дип искәртте спикер. Татарстан учреждениеләре үзебездә җитештерелгән 766 мең доза «Совигрипп» һәм «Ультрикс» вакциналары белән тәэмин ителгән. Барлыгы 1 млн 559,2 мең кешегә, яки төбәктә яшәүчеләрнең 45 процентына прививка ясау планлаштырыла. 

“Хәзер вакцинацияләү өчен иң кулай вакыт, чөнки иммунитет барлыкка килсен өчен, 1-2 атна вакыт кирәк, ә иммунитеты түбән кешеләрдә каршы тору сәләте прививка ясаганнан соң 1-1,5 ай узгач барлыкка килә”, - диде Трофимова.

Бүген Татарстанда ОРВИ ның көчәюе күзәтелми, дип белдерде ул. “2017 елның декабрь уртасында грипп һәм ОРВИ белән авыручылар саны артуы көтелә”, - дип билгеләп үтте спикер.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10