ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Татарстанда җиңел машина поездга бәрелеп, дүрт кеше һәлак
Бүген Казанның өч районында ут булмаячак
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды

Хәвеф-хәтәр

Кубаньда сыйныфташы тарафыннан кыйналган малай үлеменә бәйле җинаять эше кузгатылды

3 сентябрь 2017, 15:11

31 августта булган конфликт вакытында 12 яшьлек үсмер 13 яшьлек сыйныфташының башына металл труба белән алты мәртәбә суккан.
(Казан, 3 сентябрь, «Татар-информ»). Краснодар крае тикшерүчеләре 13 яшьлек малайның үлеменә бәйле рәвештә җинаять эше кузгатты. Аны үтерүдә сыйныфташыннан шикләнәләр, дип белдерде журналистларга Россия Тикшерү комитетының рәсми вәкиле Светлана Петренко. Бу хакта РИА Новости хәбәр итә.
 
Моннан алдарак хәбәр ителгәнчә, Тикшерү комитеты үзәк аппараты Краснодар краендагы Голубая Нива бистәсе янында кылынган әлеге җинаятьне тикшерүнең барышын контрольдә тота.
 
Тикшерү комитеты вәкиле ачыклык керткәнчә, үсмер җинаять җаваплылыгына җәлеп итү яшенә җитмәгәнлектән, аны балигъ булмаган хокук бозучылар учреждениесенә урнаштыру мәсьәләсе хәл ителә.
 
Петренко сүзләренчә, тикшерүчеләр үсмерләр укыган мәктәптә һәм алар яшәгән урында балалар яки яшьләр оешмалары булу-булмавын, балигъ булмаганнарның ялын оештыруда аларның нинди роль уйнавын да ачыклаячак.
 
Тикшерүчеләр фаразлавынча, 31 августта булган конфликт вакытында 12 яшьлек үсмер 13 яшьлек сыйныфташының башына металл труба белән алты мәртәбә суккан. Малай алган җәрәхәтләрдән шунда ук үлгән.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10