ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Мәдәният

Башкортстанның “Туган тел” каналын Татарстанда да карап булачак

29 август 2017, 19:38

Ул бүгеннән башлап, теләсә кайсы спутник операторы һәм хезмәт күрсәтү пакетында эшли.

(Казан, 29 август, “Татар-информ”, Чулпан Шакирова). Башкортстанның “Туган тел” каналы Татарстанда да күрсәтә башлый. Бу хакта “Татар-информ” хәбәрчесенә “Туган тел” музыкаль телеканалы директоры Азат Вахитов хәбәр итте.

“Казан – татар халкының мәдәни башкаласы буларак, Татарстан бәйсезлеге көне алдыннан Татарстанга үтеп керү безнең өчен зур дәрәҗә дә, истәлекле көн дә. Соңгы елларда без Татарстан җырчылары белән дә тыгыз элемтәдә торабыз. Күрше республикага үзебезнең каналны тәкъдим итү идеясе белән күптәннән янып яшәдек. Ике арада сөйләшүләр бер ел алып барылды. Һәм менә, ниһаять, бу көн килеп җитте. Әле үзебез тукталган отельдә дә “Туган тел”не көйләп калдырдым, – диде Азат Галәнур улы.

Татарстан белән ике арада күпер салыну сәбәпле, бүген “Туган тел” каналы Казан тамашачысына бушлай концерт тәкъдим итте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10