ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Авыл

Буа районында иң алдынгы комбайнчыга "Лада Гранта" биреләчәк

25 август 2017, 14:02

Төп җиңүче көзге уңыш бәйрәмендә билгеле булачак.
(Буа, 25 август, "Татар-информ", Чулпан Шакирова). Буа районының "Авангард" хуҗалыгында һәр биш көн саен урып-җыюга нәтиҗә ясалып, алдынгы комбайнчыларга, чәчү агрегатлары һәм җир эшкәртүче агрегатларда эшләүчеләргә Рәхмәт хатлары һәм акчалата бүләкләр тапшырыла. Ә көзге уңыш җыеп алынгач, барлык кыр эшләренә йомгак ясалып, алдынгы механизаторга машина биреләчәк.
 
"Узган ел урак алдынгысы Наил Хәйбулловка "Лада-Гранта" бирдек. Ул язын чөгендер чәчте, аннары аның рәт арасын эшкәртте, бөртекле ашлык суктыру комбайнына утырды. Урып-җыю эшләре беткәч, шикәр чөгендере алуга кереште. Кышын остаханәдә слесарь хезмәтен башкара, үзенә беркетелгән комбайн һәм тракторларын ремонтлый,- ди "Авангард" берләшмәсе генераль директорының беренче урынбасары Расыйх Яфизов.
 
Аның сүзләренчә, быел да мондый кызыктыру чарасы бар. Ул хезмәткәрләргә стимул бирә. Төп җиңүче көзге уңыш бәйрәмендә билгеле булачак.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10