ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Авыл

Татарстанда ындырларга кайткан ашлык 3 миллион тоннага якынлашып килә

25 август 2017, 09:49

Иң мул уңыш – Зәй районында.

(Казан, 25 август, "Татар-информ"). Татарстанның Авыл хуҗалыгы һәм азык-төлек министрлыгы оператив мәгълүматларына караганда, 25 август көненә республикада 805,2 мең гектар мәйданнан бөртекле һәм кузаклы культуралар суктырып алынган. Бу пландагы мәйданның (1475,2 мең гектар) 55 процентын тәшкил итә.

Татарстан игенчеләре бу көнгә 2891,4 мең тонна ашлык суктырып алган. Гектар уңышы 35,9 центнер тәшкил итә.

Пландагы эшнең башкарылу күләме буенча Чистай районы игенчеләре беренче урында бара. Биредә урып-җыю эшенең 66 проценты төгәлләнгән инде.

Иң мул уңыш – Зәйдә. Биредә барлыгы 122,7 мең тонна ашлык суктырып алынган инде. Гектар уңышы да әлеге районда иң югарысы – 50,1 центнер.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10