ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Татарстан Президенты ВТБ банкы рәисе урынбасары белән очрашты
Казанда Вәлиулла Якупов музее ачылды
“Сәләт”кә килгән балалар яшәү шартларының күпкә яхшыруына шатлана
Казанга Бөтендөнья татар конгрессының VII чираттан тыш съезды делегатлары килә
КФУда милли белем бирү системасына педагогик кадрлар əзерлəү буенча биш юнəлеш ачылды

Татар дөньясы

Чулпан Җәлилова: Әтиемнең кабере юк, шуңа күрә аның һәйкәле - минем өчен изге урын

24 август 2017, 18:06

Герой-шагыйрь Муса Җәлилнең кызы Чулпан иртәгә Казанда, җәлилчеләрне искә алу чарасында катнашачак.

(Казан, 24 август, “Татар-информ”, Алмаз Шиһабетдинов). "Әтиемнең кабере юк, шуңа күрә җәлилчеләрне искә алу көнендә әтиемнең һәйкәле янында булам. Ул - минем өчен изге урын", - дип белдерде герой-шагыйрь Муса Җәлилнең кызы Чулпан. Бу хакта ул “Татар-информ” хәбәрчесенә белдерде. 

Искәртеп үтик, 25 август көнне, Казанның 1 Май мәйданында, җәлилчеләрне искә алу чарасы уза.  

“Бу - безнең гаиләбез өчен бик мөһим көн. Без һәр ел әтиемнең һәйкәле янына киләбез. Мин, монда килеп, халыкның әтиемне хөрмәт итүен, яратуын сизәм, аларның җылылыгын тоям. Шуңа Хәтер көнендә бу урында булу минем өчен бик мөһим. Иртәгә мин әтиемнең музеенда да булачакмын. Иң мөһиме - мин халкым янында, әтиемне хөрмәт иткән укучылары янында булам”, - диде Чулпан Җәлилова.

Муса Җәлилнең кызы Чулпан яшьләрдәге ватанпәрвәрлек аларның күңелендә булырга тиеш, дип саный.

“Бөек Ватан сугышы безне әле дә "җибәрми". Без һәрвакыт сугышта катнашканнар турында уйлыйбыз, аларны искә алабыз. Сугышка багышланган күп кенә фильмнар, әсәрләр, спектакльләр, мәкаләләр бар. Яшьләр, һәлак булучыларның безнең матур киләчәк өчен баш салганнарын истә тотсын. Алар тыныч киләчәк өчен гомерләрен дә кызганмаган. Яшьләр аларны онытмасын иде. Фронттан килгән шигырьләрне, хатларны укысыннар”, - дип сөйләде Чулпан Җәлилова.

Искәртеп үтик: моннан 73 ел элек, 1944 елның 25 августында Плетцензее төрмәсендә Германиянең Империя суды карары белән Муса Җәлил һәм аның ун көрәштәше: Абдулла Алиш, Гайнан Кормаш, Фоат Булатов, Фоат Сәйфелмөлеков, Гариф Шабай, Әхмәт Симай, Абдулла Баттал, Зиннәт Хәсәнов, Әхәт Атнашев, Сәлим Бохаров (чын исеме- Галләнур Бохараев) җәзалап үтерелә. 25 август көнне герой-шагыйрь Муса Җәлил һәм аның көрәштәшләре искә алына. 
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10