ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Спорт

"Зенит" командасының өч волейболчысы Европа чемпионатында катнаша

22 август 2017, 17:19

Россия җыелмасы беренче уенын Болгария командасына каршы уздыра.
(Казан, 22 август, “Татар-информ”). 24 август – 3 сентябрь көннәрендә Польшада узачак Европа чемпионатында катнашу өчен Россия ир-атлар волейбол җыелмасының составы билгеле булды.
 
Баш тренер Сергей Шляпников җитәкләгән тренерлар штабы ил җыелмасына Казанның “Зенит” командасыннан да өч уенчы чакырган. Европа чемпионатында ил данын Казан уенчылары – Александр Бутько, Максим Михайлов һәм Артём Вольвич яклаячак.
 
Россия җыелмасы чемпионатның төркем этабында Болгария (24 август), Словения (26 август) һәм Испания (28 август) командалары белән очраша. Төркем җиңүчеләре турыдан-туры чирек финалга узса, 2-3 нче урындагы командалар плей-оффның өстәмә раундында уйный.
 
Белешмә өчен: Европа чемпионаты ике елга бер тапкыр уздырыла. 2013 елда Россия волейбол җыелмасы – беренче урын яуласа, 2015 елда чирек финалда Италия командасына оттырган иде.
 
Быел катнашачак командалар:
 
А төркеме: Польша, Сербия, Финляндия, Эстония.
B төркеме: Италия, Германия, Словакия, Чехия.
С төркеме: Россия, Болгария, Словения, Испания.
D төркеме: Франция, Бельгия, Голландия, Төркия.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10