ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
22 июльнең төп вакыйгалары - фото һәм сылтамалар
Баулыда хоккей йолдызлары тәрбияләнә
Әлки районынының “Хузангай” җәмгыятенә 20 ашлык уру комбайны кайтты
Казанда 350дән артык кеше триатлон ярышларында катнашты
Алдагы көннәрдә Башкортстанда һава температурасының кискен төшүе көтелә

Спорт

"Ак Барс" хоккейчылары Ригададагы турнирда бронза медаль өчен көч сынаша

17 август 2017, 08:14

Казан хоккейчылары турнирның соңгы өч елдагы җиңүчесе иде.

 (Казан, 17 август, "Татар-информ"). Казанның "Ак Барс" хоккейчылары Ригада уза торган Латвия тимер юллары кубогы өчен турнирның төркем этабында уңышсыз чыгыш ясады – 3 матчның берсендә генә җиңү яулады һәм өченче урында гына урнашты.

Турнир кагыйдәләре буенча төркем этабын беренче-икенче урында төгәлләгән командалар – финалда, калган икесе "бронза" өчен матчта очраша. Шулай итеп, бүген хәлиткеч уенда "Динамо" (Рига) белән "Локомотив" командалары көч сынашачак. Ә Казан хоккейчылары өченче урын өчен Минскиның "Динамо" командасы белән уйный.

Белешмә өчен: яңа сезон алдыннан Латвия тимер юллары кубогы турниры 2009 елдан бирле уздырыла. "Ак Барс" турнирның соңгы өч – 2014, 2015 һәм 2016 еллардагы җиңүчесе иде. Алардан тыш Кубокка икешәр тапкыр "Динамо" (Рига) белән "Локомотив" һәм бер мәртәбә СКА хоккейчылары ия булганы бар.

"Ак Барс" – "Динамо" (Минск) матчы бүген 15.30 сәгатьтә башлана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10