ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Спорт

Татар телле радиолар арасындагы пляж волейболында икенче ел рәттән Татарстан радиосы җиңде

16 август 2017, 19:55

Икенче урында – "Саба дулкыннары", өченчедә "Нократ дулкыннары" командалары.
(Казан, 16 август, "Татар-информ", Чулпан Шакирова). Бүген Казанның Сибгат Хәким урамында урнашкан, "Казансу"  пляж спорт төрләре үзәгендә Татарстанның татар телендә сөйләүче радиолары арасында дүртенче волейбол турниры узды. Анда 7 радио командасы катнашты.
 
Турнир по пляжному волейболу среди команд татарских радиостанций
 
Быелгы спорт бәйрәме Татарстан радиосының 90 еллыгына багышланды. Сүз уңаеннан, узган ел алар абсолют җиңүче булып танылып, күчмә кубокка ия булган иде.
 
Финалга дүрт радиостанция үтте: "Татарстан", "Нократ дулкыннары", "Саба дулкыннары" һәм "Тәртип".
 
Турнир по пляжному волейболу среди команд татарских радиостанций
 
Быел беренчелек кабат  Татарстан радиосы командасында. Икенче урында – "Саба дулкыннары",  өченчедә "Нократ дулкыннары".
 
"Ике ел рәттән җиңәсе килмәсә дә, юбилей елында күңелле хәл. Быел мин алып барган "Пар канатлар" тапшыруына да 30 ел. Үземнең радиода эшли башлавыма да ярты гасыр була", – диде Татарстан радиосы мөхәррире Рәзин Нуруллин.
 
Турнир по пляжному волейболу среди команд татарских радиостанций
 
Көндезге сәгать 2дә башланган спорт бәйрәме кичке 8гә кадәр дәвам итте. Дусларча матчларны республиканың танылган спорт журналистлары Илназ Фазуллин, Илнар Хөснуллин, Фәрит Салихов һәм турнирны оештыручы Илнур Фәйзрахманов хөкемдарлык итте.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10