ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Авыл

Эшкәртмәгән җирдән уңыш алып булмый – авыл хуҗалыгы министрлыгы

16 август 2017, 13:54

Вакытында җир ашланмаган, культураларны тамырдан туендыру кебек эшләр эшләнмәсә, мул уңышка өмет итәргә кирәкми, ди Илдус Габдрахманов.

(Казан, 16 август, “Татар-информ”, Чулпан Шакирова). Эшкәртмәгән, карамаган җирдән мул удыш алып булмый. Бу хакта бүген ТР Авыл хуҗалыгы һәм азык-төлек министрының җир эшләре буенча урынбасары Илдус Габдрахманов әйтте.

“Быел яңгырлар вакытында яуды, шуңа уңыш та яхшы дип сөйлиләр. Әмма мин моны гомуми нәтиҗә ясау өчен кулланмас идем. Кичә Спас районында булдым. Бер фермер үз хуҗалыгында 780 гектар мәйданда көзге бодай үстерә. Бүген ул гектарыннан 60 центнер уңыш ала. Шул ук районда башка хуҗалыкта шул ук культура гектарыннан 25 центнер игелә. Бер үк һава торышы, бер үк шарлар. Башка районнарда да мондый контраст күрсәткечләр бар, билгеле. Һава торышы икмәк үсү өчен әйбәт килде, сүз дә юк. Әмма тиешле технологияләр кулланмый, вакытында ашлама, тамырдан тукландыру кебек эшләр эшләнми торып, зур уңышка өмет итәргә кирәкми. Кырда иген мул. Көзге бодай, арпа башаклары инде тулып өлгерде. Хәзер аларны югалтуларсыз җыеп алырга кирәк. Озаккарак сузылса, уңышның бер өлешен югалтачакбыз.

Министр урынбасары сүзләренчә, кайда заманча технологияләр кулланылган, белгечләр эшләгән, шунда уңыш та бар.

“Соңгы елларда республика кырларына минераль ашламалар кертү кимеде. Узган ел аны бер гектарга 4, быел 70 кило керттек. Башка елларда гербицидлар белән чүп үләннәренә каршы гына көрәшсәк, хәзер авыруларны булдырмау өстендә дә эшлибез”, – диде ул.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10