ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
Тукай районында Мәгариф идарәсенә яңа җитәкче билгеләнде
Владимир Леонов бәхәсле очракларны видеодан карау системасының нәтиҗәле булуын әйтте
Бөтенроссия Шукшин кинофестивалендә Татарстан режиссеры төшергән фильм күрсәтелә
Уфада яшәүче хатын-кызның, ипотека түләмәгән өчен, фатирын кире алганнар
Казанда Чемпионатның Җанатарлар фестиваленә 800 меңнән артык кеше килгән

Җәмгыять

Галимнәр спиннерларның зарарлы булуын раслаган

12 август 2017, 09:56

Американың Кулланучылар продукциясе куркынычсызлыгы буенча комиссия белгечләре әйләнә торган уенчык – спиннерны куркыныч дип тапкан.

(Казан, 12 август, "Татар-информ"). Америка кушма штатларының Кулланучылар продукциясе куркынычсызлыгы буенча комиссия белгечләре әйләнә торган уенчык – спиннерны куркыныч дип тапкан. Бу хакта "Российская газета" хәбәр итә.

Аларның пластиклары кебек үк металлдан эшләнгәннәре дә ватылырга һәм вак кисәкләргә таралырга мөмкин. Шунлыктан аны биткә якын китерергә, бигрәк тә авызга кабарга (кечкенә балалар шулай эшли) ярамый, дип белдергән белгечләр. Ә батарейкаларда эшләгән спиннерларның янып китү куркынычы бар. Шунлыктан уенчык белән комплектта булган оригиналь корылма җайланмасы куллану зарур.

Искәртеп үтик, юрамаларның берсе буенча, әлеге әйләнә торган уенчык Америкада җитди неврология авырулы балаларны тернәкләндерү өчен уйлап табылган. Кайбер җитештерүчеләр аны игътибарны туплау һәм нервларны тынычландыру өчен куркыныч булмаган җайланма дип белдерә. Гамәлдә исә аның белән мавыгып китүчеләр саны шактый арта бара. Мәктәпләрдә һәм югары уку йортларында педагоглар әлеге уенчыкның уку өлгерешенә тискәре тәэсир ясавын һәм игътибарны укудан читкә җибәрүен белдереп зарлана.

Россиягә әлеге уенчык 2017 елның апрелендә килеп керә. Ике-өч ай эчендә спиннерларның популярлыгы чын эпидемиягә әйләнә. Кулланучылар хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) спиннерның сәламәтлеккә тәэсир тикшертергә заказ биргән. Ә ул арада белгечләр сатып алганда әлеге уенчыкның сыйфатына игътибар итәргә, аңардан химик ис килгәндә һәм тавышы нык булганда, уенчыктан баш тартырга киңәш итә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10