ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
Тукай районында Мәгариф идарәсенә яңа җитәкче билгеләнде
Владимир Леонов бәхәсле очракларны видеодан карау системасының нәтиҗәле булуын әйтте
Бөтенроссия Шукшин кинофестивалендә Татарстан режиссеры төшергән фильм күрсәтелә
Уфада яшәүче хатын-кызның, ипотека түләмәгән өчен, фатирын кире алганнар
Казанда Чемпионатның Җанатарлар фестиваленә 800 меңнән артык кеше килгән

Авыл

Азнакай районы Әлкәй авылында "Себерке бәйрәме" узды

12 август 2017, 03:00

Бәйрәмдә катнашучыларның иң кечкенәсенә 6 яшьлек булса, иң өлкәне 80гә житеп килә.

(Азнакай, 12 август, “Татар-информ”, “Маяк”, Лиза Нурлыева). Җәйнең кыл уртасында Азнакай районы Әлкәй авылында "Себерке бәйрәме" үткәрелә. Быел да авылдашлар әлеге чараны көтеп алды. Шифалы «Сабантуй» чишмәсе янында казанда тәмле уха пеште, самавырдан үлән чәенең исе тирә-юньгә таралды. Бәйрәмдә катнашучыларның иң кечкенәсенә 6 яшьлек булса, иң өлкәне 80гә житеп килә, дип яза районның “Маяк” газетасы.

Җаен белеп, агачларга зыян салмаслык итеп кенә сындыра белә әлкәйлеләр себерке өчен ботакны. Монда өлкәннәргә тиң юк, әлбәттә. Күр инде, 78 яшьлек Вәсилә апа шул арада дистәгә якын себерке бәйләп тә куйган. Гөлсирин апа да аннан калышмаган. Шулай да «Себерке остасы» дипломын Алмас Газизов яулады. Ә дипломнар, бүләкләр күп булды ул көнне. Ин осталар күз бәйләп тә себерке ясап карады, өр-яңа себеркене тиз генә саплап, яшь «убырлылар» мәйдан әйләнде – әнә шулай уен-көлке тынып тормады.
Әлеге чараның хәйрия акциясе булуын да әйтергә кирәк. Әнә шулай ял итеп, бердәм хезмәт куеп әзерләгән себеркеләрен әлкәйлеләр авылдагы ярдәмчесез, ялгыз яшәүче өлкәннәребезгә, инвалидларга таратып чыкты. Сихәте булсын! – диелә район хәбәрендә.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10