ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
Тукай районында Мәгариф идарәсенә яңа җитәкче билгеләнде
Владимир Леонов бәхәсле очракларны видеодан карау системасының нәтиҗәле булуын әйтте
Бөтенроссия Шукшин кинофестивалендә Татарстан режиссеры төшергән фильм күрсәтелә
Уфада яшәүче хатын-кызның, ипотека түләмәгән өчен, фатирын кире алганнар
Казанда Чемпионатның Җанатарлар фестиваленә 800 меңнән артык кеше килгән

Авыл

Марат Әхмәтов эш сәфәре белән Теләчедә булды

11 август 2017, 18:45

Очрашуда министр хуҗалык җитәкчеләренә урып-җыю эшләрен кыска срокларда оешкан төстә үткәрергә кирәклеген тагын бер кат искәртте.

(Теләче, 11 август, "Татар-информ", "Теләче", Эльмира Әхмәтҗанова). 11 августта Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры  Марат Әхмәтов эш сәфәре белән Теләчегә килде. Иң элек министр Теләче  муниципаль район башлыгы Илдус Зарипов белән районның кыр өсләреннән очып узганнан соң, хуҗалык җитәкчеләре, фермерлар һәм авыл җирлекләре башлыклары белән очрашты. Авыл хезмәтчәннәре белән очрашу “Агролак” ширкәте басуында узды, дип хәбәр ителә “Теләче” газетасында.

"Басуларны карап чыктык, ипи бар.  Хезмәтнең җимешләре күренә. Хәзер вакытында җыеп алырга кирәк, бик күп көч, хезмәт сорала. Быел дым җитәрлек булды. Теләче районында да уңыш яхшы булыр. Җиң сызганып эшкә тотынгансыз. Хәзер иң мөһиме икмәкне югалтуларсыз, җыеп алу. Хуҗалыкларда тәүлеккә 200 мең тонна ашлык суктыруны тәэмин итегез”, – диде ул сүзен йомгаклап.

Аннары ул булган проблемалар белән кызыксынды һәм сорауларга җавап бирде. Очрашу ахрында  министр хуҗалык җитәкчеләренә урып-җыю эшләрен кыска срокларда оешкан төстә үткәрергә кирәклеген тагын бер кат искәртте, диелә район басмасында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10