ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
Тукай районында Мәгариф идарәсенә яңа җитәкче билгеләнде
Владимир Леонов бәхәсле очракларны видеодан карау системасының нәтиҗәле булуын әйтте
Бөтенроссия Шукшин кинофестивалендә Татарстан режиссеры төшергән фильм күрсәтелә
Уфада яшәүче хатын-кызның, ипотека түләмәгән өчен, фатирын кире алганнар
Казанда Чемпионатның Җанатарлар фестиваленә 800 меңнән артык кеше килгән

Хәвеф-хәтәр

Прокуратура Казан дары заводында булган янгын буенча эшне судка юллады

11 август 2017, 17:00

Дары заводына 11,6 миллион сумнан артык зыян салынган.

(Казан, 11 август, "Татар-информ"). Судка Казан дары заводында булган янгын турындагы эш юлланган, дип хәбәр итте "Татар-информ"га Татарстан прокурорының өлкән ярдәмчесе вазыйфаларын башкаручы Руслан Бариев.

Күзәтчелек идарәсе дары заводының 33 яшьлек цех башлыгына һәм 59 яшьлек элеккеге цех участогы башлыгы булган хатынга язылган гаепләү бәяләмәсен раслаган. Алар икесе дә “Шартлау куркынычы булган объектларда куркынычсызлык кагыйдәләрен бозу сәбәпле, кеше үлеменә яки зур күләмдәге зыян салынуга китерү, саксызлык аркасында кеше үлү” маддәсе буенча гаепләнә.

Тикшерү версиясе буенча, 2016 елның 21 декабрендә завод бинасында янгын чыга, өлешчә бер корылма ишелә. Янгын вакытында шартлау нәтиҗәсендә предприятиедә эшләүче бер эшче хатын-кыз һәлак була, тагын ике кеше тән җәрәхәте ала.

Тикшерүчеләр белдергәнчә, гаепләнүчеләр вазифаи инструкцияләрне үтәмәгән: цех җиһазларын техник яктан дөрес файдалануны тәэмин итмәгән, җитештерүдә эчке хезмәт тәртибен сакламаган. Нәтиҗәдә, барлык эш урыннарында һәм җитештерү участокларында технологик дисциплина үтәлми.

Янгын сәбәпле дары заводына 11,6 миллион сумнан артык зыян салынган. Гаепләнүчеләр үз гаебен таныган.

Исегезгә төшерәбез, элегрәк "Татар-информ" Казан дары заводында килеп чыккан янгын нәтиҗәсендә бер кеше һәлак булуы һәм бер эшченең авыр хәлдә хастаханәгә урнаштырылуы хакында язып чыкты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10