ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана
Айрат Зарипов: Казан турында уңай тәэсирләр чит ил матбугат чараларында һаман чыга
19 июльнең төп вакыйгалары - фото һәм сылтамалар

Хәвеф-хәтәр

Татарстанлы Ренат Бакиев Төркиядә алты елга хөкем ителгән

11 август 2017, 15:34

Төркия хөкемдарлары фикеренчә, Бакиев пилотсыз очу аппараты ярдәмендә АКШ самолетын бәреп төшерергә планлаштырган.

(Казан, 11 август, "Татар-информ"). Төркиядә 23 яшьлек, тумышы белән Татарстаннан булган Ренат Бакиев Россиядә тыелган "Ислам дәүләте" террор оешмасына катнашы булуда гаепләнә. Егет чит илдә алты ел һәм өч айга хөкем ителгән, дип хәбәр итә, "Sabah" газетасына сылтама ясап, ТАСС.

Төркия хөкемдарлары фикеренчә, Бакиев пилотсыз очу аппараты ярдәмендә Инджирлик хәрби базасына караган АКШ самолетын бәреп төшерергә планлаштырган. Шулай ук яшь егетне Америка өлкән офицерлары җыелган урынны һәм алавитлар җәмгыяте үзәген шартлатырга теләүдә гаеплиләр.

Исегезгә төшерәбез, элегрәк "Татар-информ" Ренат Бакиевның 2016 елның мартыннан эзләнүдә булуы турында хәбәр иткән иде. Бакиев канунсыз кораллаган җинаятьчел төркемдә катнашуда гаепләнә, чит дәүләт территориясендә булуы да ихтимал. Ул Әлмәт районында туган һәм Казанның бер югары уку йортында белем алган. Төркия махсус хезмәтләре сөйләгәнчә, Бакиев социаль челтәрдә Төркиянең Инджирлик хәрби базасында торган Америка самолетын бәреп төшерерлек пилотсыз очу аппараты сатып алу турында язышу алып барган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10