ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Дин

Хаҗ кылучыларга Согуд Гарәпстаны хастаханәләрендә бушлай урыннар каралган — Рушан Аббасов

11 август 2017, 13:46

Кирәк булган очракта кыйммәтле операцияләрне дә бушлай ясыйлар.

(Казан, 11 август, “Татар-информ”, Лилия Локманова). Хаҗ кылырга барырга теләүчеләрне, гадәттәгечә, быел да табиблар озата барачак. Бүген “Мәскәү — Казан — Симферополь” видеокүпере барышында Россия Мөселманнары Диния нәзарәте рәисенең беренче урынбасары Рушан Аббасов шулай дип белдерде.

“Хаҗ кылучыларның хәле начарланган очракта, аларга төркемнәре белән барган табиблар ярдәм итәчәк. Әгәр дә инде хастаханәгә яту кирәк була икән, ул чагында Согуд Гарәпстаны хастаханәләрендә бушлай койкалар тәкъдим итү каралган. Хәтта кыйммәтле операцияләрне дә бушлай ясыйлар. Мондый тәҗрибәләр безнең бик күп булды”, - диде Рушан Аббасов. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10