ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Авыл

Минзәләдә урак өсте дәвам итә

10 август 2017, 22:00

Минзәлә районы авыл хуҗалыгы һәм азык-төлек идарәсенең оператив мәгълүматларыннан күренгәнчә барлыгы 2050 гектарда игеннәр суктырылган.

(Минзәлә районы, 10 август, "Татар-информ", "Минзәлә", Дилфас Галиев). Минзәлә районы авыл хуҗалыгы һәм азык-төлек идарәсенең оператив мәгълүматларыннан күренгәнчә барлыгы 2050 гектарда игеннәр суктырылган, шуның 350 гектары арыш, арпа 1700 гектарда җыеп алынган, дип яза җирле басма.

Барлыгы 7175тонна ашлык җыеп алынган. Район буенча бер гектардан чыккан уртача уңыш 35 центнер тәшкил итә. Игеннәрне урып-җыюда “Органик групп-Чулман” агрофирмасының Тәкермән, Мензелинский бүлекчәсе, “Әнәк” агрофирмасының Мөшеге бүлекчәсе, “Заиковский” хуҗалыгы һәм “Органик групп-Минзәлә” агрофирмасының Якты юл бүлекчәсе яхшы эшлиләр һәм аларда бу эш 9-12 шәр процентта башкарылган. Игеннәре суктырып алынган кырларда салам җыю дәвам итә, барлыгы 200 тонна салам төргәкләргә төрелгән.

Көзге культуралар өчен җир әзерләү дәвам итә, бу эш 11900 гектарда башкарылган, бу планда каралганның 77 проценты дигән сүз. Районыбыз кырларында көзге культураларны чәчү өчен һава шартлары һәм туфракның торышы яхшы. Барлыгы терлекләр өчен печән 9000 тонна әзерләнде, 73100 тонна сенаж базларга салынды, 120 тонна яфрак азык тупланды. Бер баш шартлы терлеккә 22,8 центнер азык берәмлеге туры килә, диелгән район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10