ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Фән һәм мәгариф

Россиядә мәктәп телевидениесе барлыкка килә

8 август 2017, 10:05

Балалар үзләре дөнья, ил, төбәк яңалыкларын мәктәптән трансляцияли алачак.

(Казан, 8 август, “Татар-информ”). Россиядә мәктәп телевидениесе проекты эшләп китәчәк. Балалар үзләре ил, дөнья, төбәк яңалыкларын мәктәптән трансляцияли алачак, дип хәбәр итә “РИА Новости” Россия мәгариф һәм фән министры Ольга Васильева сүзләренә сылтама белән.

Министр бу проектны мөмкин булмаган эш түгел бу, дип саный. Чөнки бүген кайбер Россия мәктәпләрендә телевидение эшләп килә икән.

“Мәктәп радиосы аша эш бара иде, берничә телевизион омтылыш та булды. Минем уйлавымча, бу әйбәт эш”, – дигән Ольг Васильева. Аның сүзләренчә, проект зур чыгымнар сорамый. Мәктәп телевидениесе өчен кыйммәтле техника кирәкми, трансляция өчен зур экран һәр мәктәптә бар, дигән ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10