ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Роспотребнадзор Төркиядә энтеровируслы инфекция таралу турындагы хәбәрне тикшерә

7 август 2017, 19:06

Роспотребнадзор Төркиянең сәламәтлек саклау органнарына авыру очракларының саны, таралу урыннары һәм кабул ителгән чаралар турында сорау җибәргән.

(Казан, 7 август, «Татар-информ»). Кулланучыларның хокукларын яклау һәм кеше иминлеге өлкәсендә күзәтчелек (Роспотребнадзор) Федераль хезмәте Төркия курортларында энтеровируслы инфекция очрагы турындагы хәбәрне тикшерү өчен Төркиянең Сәламәтлек саклау министрлыгына сорау җибәргән. Бу хакта "Известия" яза.

«Узган атнада Роспотребнадзор Төркия Республикасының сәламәтлек саклау органнарына авыру очракларының саны, таралу урыннары һәм кабул ителгән чаралар турында рәсми сорау җибәргән. Әлеге хәл федераль хезмәт контроле астында кала», – диелә хәбәрдә.

Исегезгә төшереп узабыз, РЕН ТВ телеканалы Төркиядә Коксами вирусы йоктырган Россия туристларының саны арту турында хәбәр таратты. Әлеге хакимият тарафыннан эпидемия турында игълан ителмәгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10