ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Солнечногорскида яңа мәчет ачылды
Миләүшә Айтуганова командасы төрки хатын-кызлары калейдоскобына документаль фильм әзерли
Татарстан мөфтие Феофан атакай белән дуслыгының серен әйтте
Салават Фәтхетдинов сәхнәдәш дуслары белән Филармония бакчасында хәйрия концертлары уздыра
Чемпионат матчында Япония җыелмасы Колумбия командасын җиңде

Мәдәният, Архив

"Черек күл" паркында опера кичәсе уза

6 август 2017, 15:26

Чара «Искра» сәнгать һәм төбәкне өйрәнү фестивале кысаларында оештырыла.

(Казан, 6 август, «Татар-информ»). 13 августта «Черек күл» паркында «Sforzando» опера кичәсе булачак. Бу хакта башкала мэриясенең рәсми порталы хәбәр итә.

Татарстанның башкарма сәнгатьне үстерү фондының «Sforzando» яшьләр оркестры, шулай ук Австралия, Италия һәм Россиядән чакырылган артистлар «Аркаим» мультимедияле опера перформансын, «Алеко» һәм «Вий» камералы операларын башкарачак. Чара «Искра» сәнгать һәм төбәкне өйрәнү фестивале кысаларында уза.

19.00 сәгатьтә яшел зонада, паркка төп керү урыныннан сул якта, Александр Пушкинның «Цыганы» поэмасы буенча Сергей Рахманинов иҗат иткән «Алеко» камералы операсы башланачак. 20.00 сәгатьтә шунда ук Елена Анисимованың Николай Гоголь әсәре буенча язылган «Вий» операсы яңгыраячак.

21.00 сәгатьтә Казан халкын ачык мәйданчыкта парк үзәгендә көтәлә. Биредә «Аркаим» мультимедияле перформансы куелачак. Композиторы – Николай Попов (Мәскәү).

Керү ирекле, дип хәбәр итә оештыручылар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10