ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Хәвеф-хәтәр

Әгерҗе районында ике атна элек суга баткан ирнең гәүдәсе табылган

1 август 2017, 18:32

Коткаручылар килеп җиткәндә, көчле елга агымы аны башка урынга алып киткән була.

(Казан, 1 август, "Татар-информ"). 37 һәм 101 нче номерлы янгын сүндерү-коткару бүлеге хезмәткәрләре Әгерҗе районы Иж-Бәйки торак пункты янындагы Иж елгасыннан баткан ир гәүдәсен табып чыгарган, дип хәбәр иттеләр "Татар-информ"га Россия Гадәттән тыш хәлләр министрлыгынңы Татарстан буенча Баш Идарәсе матбугат хезмәтендә.

Якынча мәгълүмат буенча, ул 16 июльдә Иж елгасында баткан 32 яшьлек ир-ат мәете. Ул көнне әлеге ир-ат һәм 10 яшьлек малай Иж елгасында батып үлгән. Малайның гәүдәсе тиз арада табылса да, ир-атның гәүдәсе бүген генә килеп чыккан.

Иж елгасының су өслегенә калкып чыккан мәет турында Әгерҗе районындагы 112 бердәм коткару хезмәтенә бүген 8.20 сәгатьтә хәбәр итәләр. Коткаручылар килеп җиткәндә, көчле елга агымы аны башка урынга алып киткән була. Шунлыктан аны кабат көндезге сәгать икеләрдә генә таба алалар. Баткан ирнең гәүдәсе беренче табылган урыннан биш чакрым ераклыкта була.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10