ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Хәвеф-хәтәр

Тәтеш районында коткаручылар 62 яшьлек югалган балыкчыны эзли

31 июль 2017, 12:54

27 июльдә балык тотарга килгән Ульяновск кешесе дуслары белән бәхәскә кергәч, билгесез якка китеп югалган.

(Казан, 31 июль, “Татар-информ”). Татарстанның Тәтеш районында коткаручылар 62 яшьлек югалган балыкчыны эзли, ул салмыш килеш билгесез якка киткән һәм югалган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

62 яшьлек Ульяновск кешесе Иделгә Мантова аланы һәм Зольный тау буйлары арасына балык тотарга дуслары белән 27 июльдә килгән. Төнге сәгать берләрдә дуслары белән сүзгә килеп, салмыш килеш билгесез якка киткән һәм югалган.

28 июльдә бу урында полиция хезмәткәрләре һәм волонтерлар үткәргән эзлүләр нәтиҗә бирмәгән. Икенче көнне 133нче эзләү-коткару гарнизоны да кушылган. Югалган җирдән 200 метр ераклыкта баш киеме генә табылган.

Эзләүчеләргә 1нче зона коткаручылары да өстәлгән. Барлыгы 19 кеше эзләүдә катнашкан. 3,5 чакрым яр буе, 90 квадрат чакрым елга акваториясе тикшерелгән, урман аланнар каралган, нәтиҗә юк.

Бүген дә эзләү эшләре дәвам итә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10