ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Мәдәният

"Нәҗибә" фильмы Казанда XIII Халыкара мөселман киносы фестивалендә күрсәтеләчәк

31 июль 2017, 12:28

Татарстанның һәм Россиянең халык артисты Нәҗибә Ихсанованың 80 яшьлегенә багышланган фильм премьерасы августта Мәскәүдә үтәчәк.

(Казан, 31 июль, "Татар-информ"). 16-18 августта Мәскәүдә узачак Татарстан Республикасы мәдәнияте көннәрендә “Нәҗибә” исемле документаль фильмның премьерасы булачак, дип хәбәр итә Татарстан Мәдәният министрлыгы. Татарстанның һәм Россиянең халык артисты, Г.Тукай исемендәге Дәүләт бүләге лауреаты Нәҗибә Ихсанованың 80 яшьлек юбилее уңаеннан төшерелгән фильмның режиссеры – Алмаз Нургалиев.

Танылган артистка, җәмәгать эшлеклесе Нәҗибә Ихсанова – күренекле драматург Туфан Миңнуллинның хәләл җефете. Ул 1961 елдан Казанның Г.Камал исемендәге Татар дәүләт академия театрында эшли. Бүгенге көнгәчә сәхнәдә уйный.

Артистканың тормыш һәм иҗат юлына багышланган фильм быел 5-11 сентябрьдә Казанда XIII Халыкара мөселман киносы фестивалендә дә тәкъдим ителер дип көтелә.

 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10