ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда тугызынчы каттан егылып төшкән кыз баланың хәле авыр дип бәяләнә

28 июль 2017, 11:12

Мәктәп укучысы Кама медицина балалар үзәгенең реаманиция бүлегендә дәвалана.

(Казан, 28 июль, «Татар-информ», Валерия Белова). Яр Чаллыда йортның өченче катыннан егылып төшкән кыз баланың хәле авыр дип бәяләнә. Бу хакта «Татар-информ» мәгълүмат агентлыгына Кама медицина балалар үзәгенең матбугат сәркатибе Диләрә Эстрина хәбәр итте.

«Баланы башта, баш миенә компьютер томографиясе үткәрү өчен, Чаллы Ашыгыч ярдәм күрсәтү хастаханәсенең нейрохирургия бүлегенә салдылар. Аннан соң кызны Кама медицина балалар үзәгенең реаманиция бүлегенә алып килделәр. Хәзер табиблар тикшерү уздыра һәм кирәкле ярдәмне күрәтә. Баланың хәле тотрыклы авыр дип бәяләнә. Табиблар барысы да яхшы булыр дип фаразлый», – дип белдерде Диләрә Эстрина.

Искәртеп узыйк, «Татар-информ» мәгълүмат агентлыгы кыз баланың яңа шәһәрдәге 18/04 йорттагы өченче катта урнашкан фатирның тәрәз төбенән егылып төшкәнлеге турында хәбәр иткән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10