ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Фән һәм мәгариф

Айзилә Батырханова: Татар журналистикасында бюджет урыннары кимүе – "Таяну ноктасы"на тема

27 июль 2017, 22:30

Киләсе елда КФУның татар журналистикасы бүлегендә бакалавриатта бюджет урыннары булмаячак.

(Казан, 27 июнь, «Татар-информ», Рузилә Мөхәммәтова). Бүген киләсе елда татар журналистикасы буенча бакалавриатта бюджет урыннары булмаячагы мәгълүм булды. Бу мәгълүматны Казан федераль университетының Журналистика һәм медиакоммуникацияләр югары мәктәбе җитәкчелеге раслады.

“Татар-информ” хәбәрчесе быел бюджет урыннарында бакалавриат тәмамлап, магистратураның бюджет урыннарына дәгъвалаучылардан бу хакта фикерләрен белеште.

“Бакалавриатның татар журналистикасында бюджет урыннары булмау бик начар. Магистратурада калсам без ниндидер эшләр башкарырбыз, дип уйлыйм. Миндә әле оптимизм бар", - диде Татар яшьләре форумы иҗтимагый оешмасы вәкиле, журналист Гүзәлия Гыйниятуллина.

“Без укырга кергәндә татар журналистикасына ихтыяҗ бик зур түгел иде кебек. Хәзер конкурсның арта баруын күрәбез. Бюджет урыннары да артсын иде”, - ди “Татаркино” оешмасының матбугат сәркатибе, журналист Регина Шиһабетдинова. Киләсе елга бакалавриатта бюджет урыннары булмавын Регина бик начар хәбәр дип кабул итә. “Бәлки “Алтын каләм” бәйгесе калыр. Ул укырга кергәндә биргән ташламаны да юк итсәләр, бик начар”, - ди ул.

“Бакалавриатка киләсе елга бюджет урыннары булмау безнең “Таяну ноктасы” тапшыруы өчен бер тема булып торачак", - диде бүген магистрлыкка имтиханнар тапшырган "ТНВ" телеканалы журналисты Айзилә Батырханова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10