ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Дин

VI "Мунчәли укулары" Татарстанның Чүпрәле районында узачак

27 июль 2017, 21:05

Быелгы укулар Мунчәли авылындагы мәчет ачылуның 20 еллыгына багышлана.

(Казан, 27 июль, "Татар-информ"). 29 июльдә Татарстанның Чүпрәле районында алтынчы тапкыр үткәрелүче "Мунчәли укулары" узачак. Быел ул Мунчәли авылындагы мәчет ачылуның 20 еллыгына багышлана. Бу хакта республика мөселманнары Диния назәрате матбугат хезмәте хәбәр итә.

Быелгы укуларның темасы "Мәхәлләнең үткәне, бүгенгесе һәм киләчәге" дип атала. Чарага чакырылган руханилар, галимнәр һәм җәмәгать эшлеклеләре рухи-мәдәни мирасны саклау һәм үстерүгә багышланган дини вәгазьләр һәм докладлар белән чыгыш ясаячак.

Алар арасында - Татарстан Дәүләт Советы депутаты Разил Вәлиев, Бөтендөнья татар конгрессының Казан бүлекчәсе җитәкчесе Фәрит Мифтахов, профессор, тарих фәннәре докторы Наил Таиров һәм башкалар булыр дип көтелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10