ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Икътисад

Россиядә куллануда булган автомобильләр 2 процентка кыйммәтләнде

24 июль 2017, 22:04

Иң "яшь" тотылган машиналар Татарстанда булса, иң иске модельләр Новосибирскида теркәлгән.

(Казан, 24 июль, «Татар-информ»). Россиядә “кулдан алынган” автомобильләр 2 процентка кыйммәтләнгән. Шулай итеп, андый машиналарның уртача бәясе 580 мең сум тәшкил итә, дип яза “Известия”.

Шул ук вакытта башкалада һәм ил төбәкләрендә автомобиль бәясе шактый аерыла. Мәсәлән, Мәскәүдә “кулдан алынган” машина 820 мең сум торырга мөмкин. “Федеральное агентство новостей» билгеләп үткәнчә, андый машиналарның уртача яше 10 ел тәшкил итә. Ә иң "яшь" тотылган машиналарны Татарстанда сатып алырга була – аларның уртача яше 7 ел. Иң иске модельләр Новосибирскида теркәлгән – 12 елдан да артык.

Илнең икенчел базарында ешрак үзебезнең Lada автомобильләрен очратырга мөмкин, ул гомуми күләменең 18 процентын алып тора. Икенче урынны Япониянең Toyota машинасы яуласа, өченчедә Германиядә җитештерелгән Volkswagen автомобиле тора.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10