ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Мәдәният, Татар дөньясы

Мәскәү Сабан туенда сәхнә су өстендә корылачак

13 июль 2017, 19:55

Мәскәү Сабан туенда сәхнә су өстендә корылачак Кунаклар Мәскәү елгасында ишкәкле көймә регатасын күрә алачак.

(Казан, 13 июль, “Татар-информ”, Алмаз Шиһабетдинов). 22 июльдә “Коломенск” Мәскәү дәүләт музей-тыюлыгында узачак Сабан туенда су өстендә сәхнә корылачак. “Мәскәү Сабан туе – 2017”гә килгән кунаклар ишкәкле көймә регатасын күрә алачак. Бу хакта Мәскәүнең “Бердәмлек” яшьләр клубы активисты Римма Гомәрова хәбәр итте.

Алты ишкәкле көймәләр төзелеше буенча борынгы“ушкуй” ларны (хәзерге татар телендә – ишкәкне) хәтерләтәләр. Алар Идел һәм Кама буйларында киң таралыш алган була.

Һәр командада 7 кеше – 6 ишкәкче һәм 1 йөртүче булырга тиеш. Оештыручылар әзер командалар белән катнашырга яки яшәү (туган, тору, эшләү, уку) җиренә карап, яңа төркем төзергә киңәш итәләр. Командалар оешып бетмәгән очракта, берничәне берләштереп ясаячаклар. Хәзерге вакытта 8 команда теркәлгән. Катнашучыларга бәйге алдыннан күнекмәләр (тренировка) ясау мөмкинчелеге булдырыла.

“Күп еллар Сабан туен Коломенск яр буенында уздырсак та, Мәскәү елгасында моңарчы булмаган иде", - ди Римма Гомәрова.

“Коломенск” Мәскәү дәүләт музей-тыюлыгында уздырылачак Сабан туена 150 меңгә якын кунак килер, дип көтелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10