ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Әгерҗедә августта узачак Бал бәйрәменә әзерлек эшләре бара

12 июль 2017, 05:00

Әгерҗедә августта узачак Бал бәйрәменә әзерлек эшләре бара Бал бәйрәмендә җырчы гаилә Салават Миңнеханов һәм Гүзәлемнең дә катнашуы көтелә.

(Әгерҗе, 12 июль, "Татар-информ", "Әгерҗе хәбәрләре").  12 августта Әгерҗе ипподромында республика күләмендә “Пчелино“ бал бәйрәме узачак, дип яза район газетасы.

Бәйрәм сәгать 12дә башланыр дип күзаллана. Анда төрле бәйгеләр, ярышлар узачак, ярминкә-күргәзмәләрдә балны авыз итү, сатып алу мөмкинлеге булачак. Кунакларны хуш исле үлән чәе белән дә сыйлаячаклар.

 

Бүген район хакимиятендә район башкарма комитеты җитәкчесе урынбасары Римма Гыйльметдинова Бал бәйрәмен оештыру буенча комиссия әгъзалары белән киңәшмә уздырды. Аның эшендә ТР Аграр яшьләр берләшмәсе җитәкчесе Миләүшә Заһидуллина да катнашты.

– Ипподромда кичкә кадәр бәйрәм гөрләячәк. Анда бал белән бәйле мастер-класслар уздырыла, иң яхшы чәкчәк ясаучыны ачыклыйлар, зур “Медовик“ тортын әзерләү дә булачак. Халык кәсепчелеге товарлары күргәзмәсе дә эшләячәк. Оста куллар ясаган сувенирлар, бизәнү әйберләре, кул эшләнмәләре тәкъдим ителә, – диде Римма Ринатовна.

Бәйрәмдә төрле районнардан килгән яшьләр командалары спорт ярышларында осталыкларын күрсәтәләр, балалар өчен аерым мәйданчыклар эшли.

Бал бәйрәмендә җырчы гаилә Салават Миңнеханов һәм Гүзәлемнең дә катнашуы көтелә, диелгән район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10