ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Рәсми Татарстан, Җәмгыять

Рөстәм Миңнеханов Костанайга Сабан туй бәйрәмендә катнашырга килде

7 июль 2017, 19:45 , Фото: prav.tatarstan.ru

Рөстәм Миңнеханов Костанайга Сабан туй бәйрәмендә катнашырга килде Шулай ук эш сәфәре кысаларында Костанай өлкәсе Хакиме белән очрашу һәм башка чаралар планлаштырылган.

(Казан, 7 июль, "Татар-информ"). Бүген кич Татарстан Республикасы Президенты Рөстәм Миңнеханов ике көнлек эш сәфәре белән Казакстанның Костанай шәһәренә килде. Бу хакта республика башлыгының матбугат хезмәте җиткерә.

Аэропортта Рөстәм Миңнехановны Костанай өлкәсе Хакиме Архимед Мөхәмбәтов һәм Костанай шәһәре Хакиме Базыл Җакупов каршы алды.

Рөстәм Миңнеханов эш сәфәренең төп максаты – татар халык бәйрәме Сабан туенда катнашу. Бәйрәм иртәгә Костанайда булачак.

Моннан тыш, эш сәфәре кысаларында Рөстәм Миңнехановның Костанай өлкәсе Хакиме Архимед Мөхәмбәтов белән очрашуы планлаштырылган. Шулай ук Татарстан Республикасы Президенты Казакстан Республикасы Халыклары ассамблеясе һәм аңа чиктәш Россия Федерациясе субъектлары милли иҗтимагый оешмалары җитәкчеләре һәм активистлары белән очрашачак.

Костанай өлкәсендә булганда, Рөстәм Миңнеханов Казакстанда җиңел автомобильләр җитештерә торган бердәнбер «СарыаркаАвтоПром» мәйданчыгын караячак.

Татарстан Республикасы рәсми делегациясе составында Татарстан Республикасы Президентының Тышкы элемтәләр департаменты директоры урынбасары Марат Гатин, Татарстанның Казахстан Республикасындагы Тулы вәкаләтле вәкиле Рөстәм Вәлиуллов, Бөтендөнья татар конгрессы Башкарма комитеты рәисе Ринат Закиров, Татарстан Республикасы Министрлар Кабинеты Аппаратының Мәдәният һәм Татарстан Республикасы халыклары телләрен үстерү идарәсе башлыгы Гөлшат Нигъмәтуллина, Татарстан Республикасы мәдәният министрының беренче урынбасары Эльвира Камалова, Татарстан Республикасы сәнәгать һәм сәүдә министры урынбасары Денис Вәлиев, Татарстан Республикасы Актаныш муниципаль районы башлыгы Фаил Камаев, Татарстан Республикасы Дәүләт Советы депутаты, «Ак Барс» холдинг компаниясе» ААҖ генераль директоры Иван Егоров һәм башкалар бар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10