ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Җәмгыять

Диспансерлаштыру вакытында 16 мөслимледә онкология авыруы ачыкланган

7 июль 2017, 02:00

Диспансерлаштыру вакытында 16 мөслимледә онкология авыруы ачыкланган Исәптә торучыларның 39 ы быел вафат булган.

(Мөслим, 7 июль, "Татар-информ", "Авыл утлары"). Диспансерлаштыру вакытында 16 мөслимледә онкология авыруы ачыкланган, дип яза район газетасы.

Җирлегебездә онкология авырулары белән диспансер учетта 424 кеше исәптә тора. Шуларның 65 е – эш яшендәгеләр. Исәптә торучыларның клиник группаларына килсәк, беренче төркемдә – 83, икенче төркемдә – 148, өченче төркемдә – 171, дүртенче төркемдә – 22 кеше исәптә тора.

Исәптә торучыларның 39 ы быел вафат булган. Шуның 26 сы – ир-ат, 13 е – хатын-кыз. Бакыйлыкка күчүчеләрнең 5 се хезмәткә яраклы яшьтә булган. Бу елның 6 ае эчендә онкология авырулары белән тагын 39 кеше – 23 ир-ат, һәм 16 – хатын-кыз исәпкә куелган булган. Аларның 10 сы инде якты дөнья белән хушлашкан. “Диспансерлаштыруны вакытында узу онкология авыруларын вакытында ачыклау һәм дәвалау мөмкинлеге бирә, – ди табиб-онколог Зирәк Фәтхетдинов. – 2017 нче елның 6 аенда диспансерлаштыру вакытында онкология авыруына шик булып, 81 кеше Яр Чаллы һәм Казан шәһәрләренең онкологик диспансерларына тикшеренергә җибәрелде. 16 сында әлеге чир расланды”.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10