ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Татарстанның моношәһәрләрендә эшсезләр саны билгеле булды

29 июнь 2017, 11:28

Татарстан Хезмәт, халыкны эш белән тәэмин итү һәм социаль яклау министрлыгы моношәһәрләрдә эшсезлек белән бәйле мәгълүмат җиткерде.
(Казан, 29 июнь, "Татар-информ"). Татарстанның  Хезмәт, халыкны эш белән тәэмин итү һәм социаль яклау министрлыгы республика моношәһәрләрендә эшсезлек белән бәйле мәгълүмат җиткерде.
 
27 июнь көненә Казанның халыкны эш белән тәэмин итү үзәгендә 4079 эшсез кеше теркәлгән. Бу үткән атна белән чагыштырганда 73 кешегә кимрәк.
 
Эшсезләр саны Түбән Кама, Алабуга, Кама Аланы, Чистай һәм Менделеевскида да кимегән. Мәшгульлек үзәкләреннән алынган мәгълүматларга караганда, әлеге шәһәрләрдә 1034, 405, 351, 329 һәм 78 эшсез бар.
 
Чаллы белән Яшел Үзәндә рәсми рәвештә теркәлгән эшсезләр саны 10ар кешегә арткан. Бу хакта министрлыкның матбугат хезмәте җиткерә.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10