ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Тәтешле Илгизәр абый шәһәрнең матурлыгын кайгырта

25 июнь 2017, 06:00

Тәтешле Илгизәр абый шәһәрнең матурлыгын кайгырта

Ул илле елдан артык чәчәк үстерү белән шөгыльләнә.

(Тәтеш, 25 июнь, "Татар-информ", "Тәтеш таңнары", Мария Храмова). Тәтешлеләр үз шәһәрләрен уңайлы итеп кенә түгел, шулай ук матур итеп тә күрергә телиләр, дип яза җирле басма. Шундыйларның берсе – Октябрьнең 25 еллыгы урамындагы 70нче йортта яшәүче Илгизәр Галиев.

“Йорт тирәсе чиста һәм игътибарны җәлеп итәрлек булсын өчен, ярты гасырдан артык тырышам, – ди ул. – Карагыз, гөлҗимеш нинди сокландыргыч булып чәчәк ата, ә биредә гөлләр утырттым, исемнәрен белмим, алар үзләренең зәңгәр-шәмәхә чәчәкләре белән күзләрне иркәлиләр. Кешеләр килеп үсентеләрен алалар, рәхмәт әйтәләр”.

Хуҗаның өй алды бакчасында – маргариткалар, флокслар, ә бакча ромашкалары аның биләмәсеннән арырак да “күченгән”. “Кызганыч, якында җәмәгать кое­сы юк, аларга бит су сибәргә кирәк”, – дип борчыла ул.
 
Илгизәр Шәрип улы күршедәге Горький урамының 35нче йорт янәшәсенә дә талымсыз мальвалар үрчетергә уйлый. Үз эшләрен башкарганда, үлән чабу­чылар ел саен чәчәкләрне чүп үләненнән берничек аера алмавына нык борчыла ул. 
 
“Бик күп шәһәрлеләр үтеп йөри, янәшәдә – автовокзал, авт­обустан төшкәч, кунакларга да матур чә­чәк­ләрне күрү күңелле булыр иде, алар бит Тәтешне бизәп тора”, – ди хезмәт ветераны һәм киләчәктә аның игелекле гамәле юкка чыкмавына өметләнә.

 

 

 




Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10