ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Гадәттән тыш хәлләр министрлыгы, яшенле яңгыр булганда, кагыйдәләр турында искәртә
Август аенда Казанның Даурия урамы өлешчә ябылачак
Татарстан пластик эшкәртү буенча лидерлар өчлегенә кергән
Четерекле мәсьәләләр буенча Болгар академиясе галимнәре җавап бирергә тиеш - М.Шәймиев
Түбән Кама районы хуҗалыкларына саву аппаратлары алу өчен 777 мең сум акча бүлеп биргәннәр

Спорт

Конфедерацияләр Кубогы вакытында театрларда спектакльләр инглиз теленә тәрҗемәдә барачак

19 июнь 2017, 17:03 , Фото: Рамиль Гали

Конфедерацияләр Кубогы вакытында театрларда спектакльләр инглиз теленә тәрҗемәдә барачак Театрлар, концерт заллары һәм башка мәдәни үзәкләр үз сезоннарын озынайтты.

(Казан, 19 июнь, “Татар-информ”, Алмаз Шиһабетдинов). Конфедерацияләр Кубогы вакытында Казанда куела торган спектакльләр инглиз теленә тәрҗемә ителәчәк. Казан кунаклары өчен театр, концерт заллары һәм башка мәдәни үзәкләр үзләренең эш сезоннарын озынайтты. Бу хакта Казанның "Пирамида" мәдәният-күңел ачу үзәгендә урнашкан "Конфедерацияләр Кубогының аккредитация узмаган каләм әһелләре өчен матбугат үзәге"ндә Татарстан Республикасының мәдәният министры Айрат Сибагатуллин хәбәр итте.

Конфедерацияләр Кубогы вакытында ике премьера да көтелә. 29 июньдә Казан дәүләт яшь тамашачы театры - “Мин бишкә кадәр саныйм” (Я считаю до пяти) һәм “Әкият” курчак театрында “Хаврошечка” спектаклен күрсәтәчәкләр. Спектакльләр рус телендә куелачак. Теләгән кешеләргә махсус колакчыклардан инглиз теленә тәрҗемә барачак.

"Театрлар спектакльләргә билет бәясен күтәрәме?" дигән сорауга Айрат Сибагатуллин: “Сезонның кызган чагы”, - дип җавап кайтарды.

Бүген Муса Җәлил исемендәге опера һәм балет театры бинасында Kazan Classic Fest исемле халыкара музыка фестивале башланып китә. Бу фестивальдә опера һәм балет театрында - өч опера, ике балет һәм ике бию ансамбле чыгышын карап булачак.

Фестивальне “Аида” исемле операдан башлап җибәрәләр. 23 июнь көнне - “Трубадур” операсы, ә 29 июнь көнне казанлылар һәм шәһәребез кунаклары “Евгений Онегин"ны тыңлый алачак. Шулай ук кунакларга балет классикасыннан “Лебединое озеро” һәм “Дон Кихот” күрсәтеләчәк. Фестивальдә Игорь Моисеев исемендәге бию ансамбле катнашачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10