ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Хәвеф-хәтәр

Башкортстанда югалган укучы кыз үле килеш табылган

1 июнь 2017, 15:32

Башкортстанда югалган укучы кыз үле килеш табылган Ай дәвамында кызны полиция хезмәткәрләре, волонтерлар эзләде.
(Казан, 1 июнь, “Татар-информ”). Бүген Башкортстанның Белорецк шәһәрендә 3 майда югалган тугыз яшьлек кызның мәете табылган.
 
"Баланың гәүдәсе Фурманов урамындагы шәхси йорт территориясендә табыла. Җинаять эшләүдә шикләнүчене тоткарлаганнар. Ул Белорецк районында яшәүче, 38 яшьлек беркайда да эшләмәүче кеше. Аның эзенә төшәргә җирле халыктан җентекләп сорау алу һәм җинаятьнең төрле вариантларын эшкәртү ярдәм иткән", - дип хәбәр итә Башкортстан республикасының Эчке эшләр министрлыгы матбугат хезмәтенә сылтама белән "Российская газета".
 
Искәртеп үтәбез, кызның югалуы турында әнисе хәбәр иткән була. 3 майда кыз иртән мәктәпкә чыгып китә, ләкин анда барып җитми. Башкортстан республикасы Тикшерү комитеты “Үтерү” маддәсе буенча җинаять эше кузгата. Соңрак Башкортстанның Эчке эшләр министрлыгы кызның кайдалыгы турында мәгълүмат бирүчегә 300 мең сум күләмендә акчалата бүләк бирү турында да белергән иде. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10