ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Авыл

Кырау кукуруз мәйданнарына зыян салган булырга мөмкин – авыл хуҗалыгы министры урынбасары

29 май 2017, 17:27

Кырау кукуруз мәйданнарына зыян салган булырга мөмкин – авыл хуҗалыгы министры урынбасары Ул 4-5 көннән билгеле булачак. Зур зыян килгән мәйданнарга кукуруз кабат чәчеләчәк.

(Казан, 29 май, “Татар-информ”, Чулпан Шакирова). 28 майдан 29 майга каршы төндә урыны-урыны белән төшкән кырау республиканың кукуруз мәйданнарына зыян салган булырга мөмкин. Бу хакта “Татар-информ” хәбәрчесенә ТР Авыл хуҗалыгы һәм азык-төлек министрының игенчелек буенча урынбасары Илдус Габдрахманов әйтте.

“Татарстан Гидрометеорология һәм әйләнә-тирә мохитне күзәтү идарәсе хәбәр итүенчә, бүген төнлә республика территориясендә -2 градус салкын булган. Язгы сабан культуралары өчен -2 градус куркыныч түгел, алар бу фазада -6...-8 градуска кадәр чыдам. Безне берникадәр куркыта торган культуралар ул – кукуруз һәм карабодай. Кукурузны без республика басу-кырларына 350 мең гектарга чәчтек. Тишелеп чыккан булса, ул берникадәр зыян күрергә мөмкин. Әмма тишелеп чыккан кукуруз зур мәйданнар биләми, республиканың бар җирендә дә кырау булмаган. Карабодайга шулай ук -1...-2 градус салкын тискәре йогынты ясый. Ул барлыгы 40 мең гектар мәйданга чәчеләчәк, бүген исә 30 мең гектарда чәчү эшләре төгәлләнгән, әмма тишелеп чыкмаган.

Министр урынбасары сүзләренчә, кырау зыян салган мәйданнар 4-5 көннән соң, кырларны кабат карап чыкканнан соң билгеле булачак. Әгәр кырау зыян салган басулар була икән, анда кукуруз орлыгы кабат чәчеләчәк.

“-1...-2 градус бәрәңгегә дә тәэсир итә. Әмма безнең күмәк хуҗалыкларда тишелеп чыккан бәрәңгеләр шулай ук юк. Гомумән алганда, бу салкыннар республикага зур зыян салмады”, диде Илдус Габдрахманов.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10